ମନୋରଞ୍ଜନ

ପରଲୋକରେ ଲୋକପ୍ରିୟ ମଲୟାଲମ ଅଭିନେତା ମେଘନାଥନ

ଷ୍ଟାରଓଡିଶାନ୍ୟୁଜ ବ୍ୟୁରୋ : ଜାତୀୟ ପୁରସ୍କାର ବିଜେତା ସ୍ୱର୍ଗତଃ ଅଭିନେତା ବାଲନ୍ କେ.ନାୟରଙ୍କ ପୁଅ ତଥା ବରିଷ୍ଠ ମଲୟାଲମ ଅଭିନେତା ମେଘନାଥନଙ୍କ ଦେହାନ୍ତ ହୋଇଛି। ଏକ ଘରୋଇ ଡାକ୍ତରଖାନାରେ ଅଭିନେତା ଶେଷ ନିଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୬୦ବର୍ଷ ବୟସ ହୋଇଥିଲା।

ମେଘନାଥନ ଫୁସଫୁସ ରୋଗରେ ପୀଡିତ ହୋଇ ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିଲେ। ଏବେ ତାଙ୍କ ଦେହାନ୍ତ ହେବାରୁ ଅଭିନେତାଙ୍କର ଶେଷ ରୀତିନୀତି ତାଙ୍କ ଜନ୍ମସ୍ଥାନ ଶୋରନୁରରେ ହେବ ବୋଲି ସାମ୍ନାକୁ ଆସିଛି | ମେଘନାଥନ ନିଜ ପତ୍ନୀ ଏବଂ ଝିଅ ସହ ରହୁଥିଲେ ବୋଲି ଜଣାଯାଇଛି।

ତାଙ୍କ ପେସାଦାର ଜୀବନ ଦେଖିବାକୁ ଗଲେ ମେଘନାଥନ୍ ୧୯୮୩ରେ ମୁକ୍ତିଲାଭ କରିଥିବା ଫିଲ୍ମ ‘ଅସ୍ତ୍ରମ’ ରୁ ତାଙ୍କ ଅଭିନୟ କ୍ୟାରିଅର୍ ଆରମ୍ଭ କରିଥିଲେ | ଜଣେ ଖଳନାୟକ ଭାବରେ ସେ ବହୁତ ଲୋକପ୍ରିୟ ଥିଲେ | ଚଳଚ୍ଚିତ୍ର ସହିତ ସେ ଅନେକ ଟିଭି ସୋ’ରେ ମଧ୍ୟ ବହୁତ ଭଲ କାମ କରିଥିଲେ | ଅଭିନୟରେ ପାରଦର୍ଶୀ ଥିବା ଏହି ଅଭିନେତା ତାମିଲ ଏବଂ ମଲୟାଲମ ଭାଷାରେ ମୋଟ ୬୦ଟି ଚଳଚ୍ଚିତ୍ରରେ କାମ କରିଥିଲେ।

Related posts

ବିବାହ ବନ୍ଧନରେ ବାନ୍ଧି ହେଲେ ଓଲିଉଡ୍ ଅଭିନେତ୍ରୀ ଏଲିନା

Star Odisha News

ଦମନ ପରେ ଏବେ ଓଡିଶା ଘାଣ୍ଟିବ ‘ପରବ’

Star Odisha News

ଐଶ୍ୱର୍ଯ୍ୟାଙ୍କ ସମ୍ପର୍କରେ ଖୋଲାଖୋଲି ଏମିତି କହିଦେଲେ ଅମିତାଭ

Star Odisha News

Leave a Comment